يامستني السمنة من ورك النملة(تطلع تنزل تفضل مصرية) – ياسر المناوهلي

Post by: bingorabbit
Published on February 26th, 2013
Filed under: miscellaneous
Tags: , , , , ,

أغنية جامدة جدا OnTV عرضتها إمبارح..إسمعوها وقولولي رأيكوا..الكلمات تحت اﻷغنية للي حابب :D

أنا مواطن صالح ..
ومليش في مصالح ..
بقرار أتمسى ..
وفي همي أنا صابح..
صابح مخنوق ..
حاسس بخازوق ..
من إعلان دستوري ..
ومن دستور مسلوق

سمعته قال ثوروا علي ..
لو قراراتي غير قانونية ..
مبقاش للثورة حيثية
الراجل ماخالفش القانون ..
الراجل بقى هو القانون
يسأل و لا يسأل ..
وسلم لي ع المستقبل
ديكتاتورية .. ولا فاشية .. ولا سادية ..
تطلع إيه ديه؟
يمكن إجراءات تمكينية

يا مستنى السمنة من ورك النملة
لا أنت طابخ..ولا أنت مقلي
طالع ع الحيطة بغترة و برنيطة ..
ولا أنت طالع ولا بطربوش عثمانلي

مين اللي بيحنث بيمينه ..
مين اللي استغفلنا بدينه ..
مين اللي بريء شعبه يدينه
مراوغة وكر وفر وكاني وماني ..
مش شايف بنا و لا تلمساني
أضغاث أحلام تغيير هوية ..
تطلع تنزل تفضل مصرية
مش إخوانية و لا وهابية و لا علمانية ولا عشوائية
تطلع تنزل تفضل أم الدنيا مصرية

أنا مواطن صالح ..
ومليش في مصالح ..
بقرار أتمسى ..
وفي همي أنا صابح
صابح مخنوق ..
حاسس بخازوق ..
من إعلان دستوري ..
ومن دستور مسلوق
من واحد مستقطب..
ومن واحد مزقوق ..
من إني مش عارف مين الي بيسوق

One Response to “يامستني السمنة من ورك النملة(تطلع تنزل تفضل مصرية) – ياسر المناوهلي”

  1. esl4m says:
    February 26, 2013 at 2:31 PM

    انا سمعتها امبارح برضه
    :)
    جاااااامده جداا

    Reply

Leave a Reply